Stukkende mense

Vanoggend sit ek in die kerk en die dominee raak ligtelik aan die stelling “stukkende mense”.

Wat is stukkende mense?

Wie is stukkende mense?

Ewe skielik besef ek net dat elke mens ‘n stukkie stukkende mens is. Jy kan emosioneel stukkend wees of dalk fisies stukkend wees.

Dan kan jy weer op ‘n emosionele vlak stukkend wees op verskillende maniere: finansiele stukkend, verhouding stukkend, werksomstandighede stukkend, verlede stukkend of selfs toekomstig stukkend wees.

Ons raak so vinnig vasgevang in ons eie stukkend dat ons soms vergeet dat daar ander mense ook is wat stukkend is.

Soms raak ons stukkend dat ons soos ‘n hond raak wat seer het – ons byt! Ons raak aggressief teenoor mense om jou – naby en ver! Dit is die enigste manier hoe jy hierdie seer hierdie stukkie stukkend kan hanteer.

Ek dink ons almal maak die fout om die gevolg van die stukkend te hanteer – ons drink ‘n pilletjie om minder aggressief te wees, maar ons maak nie die stukkend heel nie. Ons dokter die simtome en nie die oorsaak nie.

Vandag dink ek moet ons almal dalk diep in onsself gaan grawe en dink waar le ons stukkend:

Is dit op ‘n emosionele vlak?

Is dit dalk ‘n fisiese stukkend – dalk ‘n siekte?

Hoe moet ons hierdie stukkend regmaak is die tweede vraag wat ons onsself moet vra?

Ek weet op hierdie stadium is ek emosioneel stukkend weens ‘n verlies wat ek gely het toe die Here my pappa kom haal het, maar dit moet ek hanteer. Ek moet ook besef dat ek nie die enigste mens is wat ‘n stukkie stukkend saamdra nie. Dit help nie om met ander mense om jou ongeskik en aggressief te wees nie, daardie persoon het sy eie seer en dalk ‘n groter stukkende plekkie as ek.

Ek dink dit is belangrik dat ons fokus op die positiewe.

Dit is bitter moeilik om die positiewe in ‘n negatiewe situasie raak te sien.

Ek moet fokus op die feit dat my pappa by sy Hemelse Pappa se voete sit, weg uit die lelike wereld vol haat en geweld, want hy was ‘n man met ‘n goeie hart wat altyd net die goeie in mense raakgesien het, altyd net sy wang weer gedraai het na die vyand vir nog ‘n hou. Hy het nooit negatief of haatdraend geraak nie. Die Here het hom kom verlos van die lelike wereld sodat sy goeie hart kon bly voortleef in die huis van die Here. Sy plekkie hier in sy aardse huis is baie leeg, maar ons moet vashou aan die mooi die goeie!

Sjoe, dit klink so maklik om dit hier op papier vas te vang, maar ek dink ons moet almal begin om by onsself te begin. Keer na binne – vra jouself waar is jou stukkie stukkend en hoe kan jy daai stukkend begin heel maak.

Ons kan nie die wereld en ons land heelmaak en nuut maak sonder geweld en haat as ons nie onsself nuut maak nie.

Hierdie is my nuwe begin…

Ek hoop ek kan my stukkie stukkend stukkie vir stukkie heelmaak een vir een!

Ek bid dat ons almal vrede in ons eie harte sal kry!

 

Advertisements

5 thoughts on “Stukkende mense

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s